Fréttir

Leita

Veldu ráðuneyti
Veldu verkefni
Veldu ár
Sýni 101-200 af 1247 niðurstöðum
19. maí 2026Utanríkisráðuneytið

Ísland tók þátt í umfangsmikilli varnaræfingu Atlantshafsbandalagsins

Öll 32 bandalagsríki Atlantshafsbandalagsins tóku nýverið þátt í æfingunni STEADFAST DETERRENCE 2026 sem fram fór í stjórnstöðvum bandalagsins víðsvegar í Evrópu og Norður-Ameríku. Æfingin, sem nú var haldin í þriðja skiptið, var skipulögð af varnaræfingasetri bandalagsins, Joint Warfare Centre (JWC) í Stafangri, en um átta þúsund manns tóku þátt í æfingunni að þessu sinni.

28. apríl 2026Utanríkisráðuneytið

Heimsókn yfirmanns herstjórnar Atlantshafsbandalagsins í Norfolk: lykilstaða Íslands í varnarsamstarfi á Norður-Atlantshafi

Þorgerður Katrín Gunnarsdóttir, utanríkisráðherra, átti fund með Douglas G. Perry, flotaforingja og yfirmanni herstjórnarmiðstöðvar Atlantshafsbandalagsins í Norfolk. Þetta er fyrsta heimsókn hans til landsins eftir að öll Norðurlöndin voru færð á ábyrgðarsvæði herstjórnar Atlantshafsbandalagsins í Norfolk í byrjun desember 2025.

16. apríl 2026Utanríkisráðuneytið

Ísland bakhjarl kyn- og frjósemisheilbrigðisverkefnis í Úganda

Ísland tekur ásamt Danmörku og Svíþjóð þátt í stóru verkefni Mannfjöldasjóðs Sameinuðu þjóðanna (UNFPA) í Úganda á sviði kyn- og frjósemisheilbrigðis. Stuðningur Íslands er til þriggja ára og nær verkefnið til níu héraða. Framlagið, sem rúmast innan samþykktra fjárheimilda, verður að stærstum hluta helgað forvörnum og aðgerðum gegn fæðingarfistli.

28. mars 2026Utanríkisráðuneytið

Utanríkisráðherra fundaði með ráðamönnum í Berlín og heimsótti Alþjóðlega hafréttardóminn í Hamborg

Samskipti Íslands og Þýskalands, efnahagslegt öryggi og þróun innri markaðarins og alþjóða- og öryggismál voru meðal þess sem Þorgerður Katrín Gunnarsdóttir utanríkisráðherra ræddi á fundum sínum með Gunther Krichbaum, Evrópumálaráðherra Þýskalands, og Anton Hofreiter, formanni Evrópumálanefndar þýska sambandsþingsins, í Berlín í gær.

24. mars 2026Utanríkisráðuneytið

Úkraínskir sérfræðingar hlutu jarðhitaþjálfun á Íslandi

Tólf sérfræðingar frá Úkraínu luku vikulangri þjálfun í Jarðhitaskóla GRÓ á föstudaginn, þar sem þau fræddust um alla þætti er varða þróun jarðhita, frá rannsóknum að beinni nýtingu. Þá hlutu þau fræðslu um gerð viðskiptalíkana, umhverfisþætti og lagaumhverfið, en þjálfun þeirra lauk með heimsóknum í Hellisheiðarvirkjun, Carbfix, Landbúnaðarháskólann í Hveragerði og Friðheima.

23. febrúar 2026Utanríkisráðuneytið

Virðing fyrir alþjóðalögum og mannréttindum er tilvistarspursmál fyrir Ísland

Þorgerður Katrín Gunnarsdóttir utanríkisráðherra ávarpaði mannréttindaráð Sameinuðu þjóðanna í dag, en nú stendur yfir árleg ráðherravika ráðsins í Genf. Þar kom hún á framfæri áhyggjum sínum af stöðu mannréttindamála á heimsvísu. Ráðherra sagði síðasta ár hafa verið afar krefjandi fyrir alþjóðakerfið í skugga átaka víða um heim og þverrandi virðingu fyrir alþjóðalögum.

12. febrúar 2026Utanríkisráðuneytið

Stuðningur við Úkraínu og aukin árvekni á norðurslóðum til umræðu á varnarmálaráðherrafundi Atlantshafsbandalagsins

Fæling og varnir Atlantshafsbandalagsins, Atlantshafstengslin, öryggismál á norðurslóðum, aukin framlög til varnarmála og áframhaldandi stuðningur við varnarbaráttu Úkraínu voru mál í brennidepli á fundi varnarmálaráðherra Atlantshafsbandalagsins, sem lauk í Brussel í dag. Þorgerður Katrín Gunnarsdóttir utanríkisráðherra tók þátt í fundinum.

30. janúar 2026Dómsmálaráðuneytið, Utanríkisráðuneytið

Húsfyllir á fundi um áfallaþol Íslands í breyttum heimi

Opinn fundur um áfallaþol Íslands í nýrri heimsmynd fór fram í Norræna húsinu í gær. Fundurinn var haldinn á vegum Varðbergs, í samstarfi við dómsmálaráðuneytið og utanríkisráðuneytið. Þorbjörg S. Gunnlaugsdóttir dómsmálaráðherra setti fundinn og fjallaði í opnunarávarpi sínu um breytta heimsmynd, aukna óvissu í öryggisumhverfi Evrópu og mikilvægi þess að Ísland efli seiglu samfélagsins.

18. desember 2025Utanríkisráðuneytið, Umhverfis-٫ orku- og loftslagsráðuneytið

Ísland fullgildir hafréttarsamning um verndun og sjálfbæra nýtingu líffræðilegrar fjölbreytni hafsins utan lögsögu

Íslensk stjórnvöld hafa lokið fullgildingu nýs samnings undir hafréttarsamningi Sameinuðu þjóðanna um verndun og sjálfbæra nýtingu líffræðilegrar fjölbreytni hafsins utan lögsögu ríkja (BBNJ-samningsins) með afhendingu fullgildingarskjals til aðalframkvæmdastjóra Sameinuðu þjóðanna.

15. desember 2025Utanríkisráðuneytið

Netöryggisæfing til að efla viðbragðsgetu bandalagsríkja gegn fjölþáttaógnum

Ísland tók nýverið þátt í fjölþjóðlegu netöryggisæfingunni Cyber Coalition 2025, sem haldin hefur verið árlega frá árinu 2008 á vegum Atlantshafsbandalagsins. Markmið hennar er að efla samvinnu og viðbragðsgetu þjóða gegn net- og fjölþáttaógnum, en að þessu sinni tóku lið frá 35 aðildar- og samstarfsríkjum bandalagsins þátt í æfingunni sem fram fór dagana 28. nóvember til 4. desember sl.

12. desember 2025Dómsmálaráðuneytið, Utanríkisráðuneytið

Áfallaþol nauðsynleg forsenda fyrir öryggi almennings

Dómsmálaráðuneytið og utanríkisráðuneytið hafa birt áfangaskýrsluna Áfallaþol á grundvelli viðmiða Atlantshafsbandalagsins. Skýrslan var unnin af stýrihópi sem var falið að kanna áfallaþol í íslensku samfélagi með hliðsjón af grunnviðmiðum bandalagsins og markar einn áfanga í heildstæðri kortlagningu, stefnumótun og tillögum að aðgerðum til að efla áfallaþol samfélagsins.…

09. desember 2025Utanríkisráðuneytið

Stjórnvöld styðja við umræðu um kosti og galla Evrópusambandsaðildar

Til að efla umræðu um kosti og galla aðildar að Evrópusambandinu (ESB) og tryggja greiðan aðgang almennings að upplýsingum í aðdraganda fyrirhugaðrar þjóðaratkvæðagreiðslu um framhald aðildarviðræðna Íslands við ESB, hyggjast stjórnvöld veita Evrópuhreyfingunni og Heimssýn, hreyfingu sjálfstæðissinna í Evrópumálum, fjárstyrk sem nemur tíu milljónum króna hvor.

09. desember 2025Utanríkisráðuneytið

Innrásarstríð Rússlands í Úkraínu og viðbrögð við öryggisógnum efst á baugi á ráðherrafundi ÖSE

Ráðherrafundur Öryggis- og samvinnustofnunar Evrópu (ÖSE) fór fram í Vínarborg dagana 4. og 5. desember og sótti Helga Hauksdóttir, fastafulltrúi Íslands gagnvart stofnuninni, fundinn í fjarveru utanríkisráðherra. Virðing fyrir grundvallarreglum öryggis, lýðræðis og mannréttinda, viðbrögð við öryggisógnum á ÖSE-svæðinu, þ.e. innrásarstríð Rússlands í Úkraínu, voru meginviðfangsefni fundarins.

Var efnið hjálplegt?