Fréttir

Leita

Veldu ráðuneyti
Veldu verkefni
Veldu ár
Sýni 601-700 af 961 niðurstöðum
31. janúar 2023Félags- og húsnæðismálaráðuneytið

Stýrði fundi samstarfsráðherra Norðurlanda – Ísland með formennsku

Guðmundur Ingi Guðbrandsson, félags- og vinnumarkaðsráðherra og samstarfsráðherra Norðurlanda, stýrði í dag fundi norrænu samstarfsráðherranna en hann fór fram í Kaupmannahöfn. Um var að ræða fyrsta fund ráðherranna í formennskutíð Íslands í Norrænu ráðherranefndinni. Ísland tók við formennsku í byrjun árs og gegnir henni út árið.

27. janúar 2023Félags- og húsnæðismálaráðuneytið, Mennta- og barnamálaráðuneytið

Samstarfshópur um framhaldsfræðslu hefur störf

Samstarfshópur um heildarendurskoðun framhaldsfræðslu hefur hafið störf. Formaður hans er Berglind Rós Magnúsdóttir, prófessor við menntavísindasvið Háskóla Íslands, og hittist hópurinn á fyrsta fundi í dag. Guðmundur Ingi Guðbrandsson, félags- og vinnumarkaðsráðherra, ræddi við fundargesti og óskaði þeim velfarnaðar í störfum sínum.

26. janúar 2023Félags- og húsnæðismálaráðuneytið

Styrkir verkefni til að draga úr ofbeldi og takast á við afleiðingar þess

Guðmundur Ingi Guðbrandsson, félags- og vinnumarkaðsráðherra, hefur styrkt þrjú verkefni sem miða ýmist að því að draga úr ofbeldi á Íslandi eða takast á við afleiðingar þess. Um er að ræða sérhæfða sálfræðimeðferð fyrir gerendur kynferðisofbeldis, bætt aðgengi að þjónustu fyrir þolendur ofbeldis á landsbyggðinni og verkefni sem miðar að því að virkja karla í baráttunni gegn ofbeldi.…

23. janúar 2023Félags- og húsnæðismálaráðuneytið

Stöðuskýrsla um aðgerðir gegn ofbeldi og afleiðingum þess

Stöðuskýrsla hefur verið birt um framfylgd þingsályktunar um áætlun fyrir árin 2019-2022 um aðgerðir gegn ofbeldi og afleiðingum þess. Aðgerðaáætlunin tekur til ofbeldis í margþættri mynd og má þar nefna líkamlegt ofbeldi, kynferðislegt, andlegt og kynbundið ofbeldi. Af 30 aðgerðum er 18 lokið, 11 eru í vinnslu eða lokið að hluta og ein er í undirbúningi.

20. janúar 2023Félags- og húsnæðismálaráðuneytið

Starfshópur vinnur að því að auka náms- og starfstækifæri fyrir fatlað fólk

Starfshópur um aukin náms- og starfstækifæri fyrir fatlað fólk hefur hafið störf og gert er ráð fyrir að hann skili tillögum í vor. Hópurinn hittist í félags- og vinnumarkaðsráðuneytinu nú í morgun og er ætlað að greina núverandi starfs- og menntunartækifæri fatlaðs fólks með tilliti til þess hvað þurfi að bæta, auk þess að koma með tillögur að aðgerðum.…

20. janúar 2023Félags- og húsnæðismálaráðuneytið

Samstarf við OECD um tvö verkefni sem tengjast áherslum í stjórnarsáttmála

Félags- og vinnumarkaðsráðuneytið hefur samið við Efnahags- og framfarastofnunina (OECD) um aðkomu stofnunarinnar að tveimur verkefnum sem tengjast áherslum í stjórnarsáttmála ríkisstjórnarinnar. Annars vegar er um að ræða stefnumótun á sviði innflytjendamála og hins vegar stefnumótun í tengslum við innleiðingu samnings SÞ um réttindi fatlaðs fólks sem og vinnumál fólks með mismikla starfsgetu.

19. janúar 2023Félags- og húsnæðismálaráðuneytið

Stuðningur við heyrnarlaust flóttafólk, fötluð börn af erlendum uppruna og hinsegin flóttafólk

Stutt verður sérstaklega við heyrnarlaust flóttafólk sem leitað hefur skjóls á Íslandi, fötluð börn af erlendum uppruna og hinsegin flóttafólk. Þetta er efni þriggja samninga sem Guðmundur Ingi Guðbrandsson, félags- og vinnumarkaðsráðherra, hefur undirritað við Félag heyrnarlausra, Landssamtökin Þroskahjálp og Samtökin 78.

17. janúar 2023Félags- og húsnæðismálaráðuneytið

Hafnarfjörður tekur á móti allt að 450 flóttamönnum

Guðmundur Ingi Guðbrandsson, félags- og vinnumarkaðsráðherra, Rósa Guðbjartsdóttir, bæjarstjóri Hafnarfjarðar, og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks í Hafnarfirði og áframhaldandi samstarf í málaflokknum. Samkvæmt samningnum mun Hafnarfjarðarbær taka á móti allt að 450 flóttamönnum.

13. janúar 2023Félags- og húsnæðismálaráðuneytið

Félags- og vinnumarkaðsráðuneytið og sveitarfélagið Hornafjörður semja um móttöku flóttamanna

Guðmundur Ingi Guðbrandsson, félags- og vinnumarkaðsráðherra, Erla Björg Sigurðardóttir, félagsmálastjóri sveitarfélagsins Hornafjarðar og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks. Samkvæmt samningnum mun sveitarfélagið Hornafjörður taka á móti átta flóttamönnum á árinu.

12. janúar 2023Utanríkisráðuneytið, Forsætisráðuneytið, Félags- og húsnæðismálaráðuneytið

Friður eitt helsta áhersluefnið í formennsku Íslands

Formennsku Íslands í Norrænu ráðherranefndinni 2023 var ýtt úr vör á upphafsviðburði í Norræna húsinu í dag en hún hófst formlega á nýju ári. Yfirskrift formennskunnar er „Norðurlönd - afl til friðar“ og vísar til þeirrar áherslu sem lögð er á frið sem undirstöðu þeirra sameiginlegu gilda sem Norðurlönd byggja samvinnu sína á: mannréttindi, lýðræði og velferð.

21. desember 2022Félags- og húsnæðismálaráðuneytið, Heilbrigðisráðuneytið

Gott að eldast – aðgerðaáætlun komin í samráðsgátt

Gott að eldast – drög að aðgerðaáætlun um þjónustu við eldra fólk – hefur verið birt í samráðsgátt stjórnvalda. Markmiðið með áætluninni er að ná að flétta saman þeirri þjónustu sem snýr að eldra fólki, hvort sem um ræðir heimaþjónustu á vegum sveitarfélaga eða heilbrigðisþjónustu – með það að leiðarljósi að það eigi að vera gott að eldast á Íslandi.…

17. desember 2022Fjármála- og efnahagsráðuneytið, Félags- og húsnæðismálaráðuneytið, Innviðaráðuneytið

Samkomulag um breytingu á fjármögnun þjónustu við fatlað fólk

Fjármála- og efnahagsráðherra, innviðaráðherra og félags- og vinnumarkaðsráðherra hafa undirritað ásamt formanni og framkvæmdastjóra Sambands íslenskra sveitarfélaga þriðja samkomulag ríkis og sveitarfélaga um breytingu á fjármögnun lögbundinnar þjónustu sveitarfélaga við fatlað fólk.

16. desember 2022Félags- og húsnæðismálaráðuneytið

Lagafrumvarp samþykkt: Stefnt á ríflega 50% fjölgun NPA-samninga

Alþingi hefur samþykkt frumvarp Guðmundar Inga Guðbrandssonar, félags- og vinnumarkaðsráðherra, sem tengist þjónustu við fatlað fólk með langvarandi stuðningsþarfir. Gert er ráð fyrir að allt að 50 manns muni á næsta ári geta bæst í þann hóp sem nýtir sér NPA, notendastýrða persónulega aðstoð fyrir fatlað fólk sem þarf aðstoð í daglegu lífi. Samkvæmt nýjustu upplýsingum eru 44 á biðlista.

15. desember 2022Heilbrigðisráðuneytið, Mennta- og barnamálaráðuneytið, Félags- og húsnæðismálaráðuneytið

Brúum bilið: Verkefni til að auka þátttöku og virkni fatlaðra barna og ungmenna í íþróttastarfi

Þrír ráðherrar undirrituðu í dag samstarfsyfirlýsingu um verkefnið „Farsælt samfélag fyrir öll – brúum bilið“ en það miðar að því að efla íþróttaástundun fatlaðs fólks, ekki síst fatlaðra barna og ungmenna. Alls verður 60 milljónum króna veitt til verkefnisins sem er til þriggja ára.…

14. desember 2022Félags- og húsnæðismálaráðuneytið

Nær tvöföldun frítekjumarks örorku- og endurhæfingarlífeyrisþega: Fyrsta hækkun á frítekjumarkinu í 14 ár

Frumvarp Guðmundar Inga Guðbrandssonar, félags- og vinnumarkaðsráðherra, um hækkun frítekjumarks örorku- og endurhæfingarlífeyrisþega hefur verið samþykkt á Alþingi. Frítekjumerkið nær tvöfaldast og fer úr tæpum 110.000 kr. á mánuði og upp í 200.000 kr. á mánuði. Um er að ræða fyrstu hækkun á frítekjumarkinu frá árinu 2009 eða í tæp 14 ár. Breytingarnar taka gildi strax 1. janúar 2023.

14. desember 2022Félags- og húsnæðismálaráðuneytið

20 milljónir króna til hjálparsamtaka sem veita mataraðstoð fyrir jólin

Guðmundur Ingi Guðbrandsson, félagsmála- og vinnumarkaðsráðherra, úthlutar samtals 20 milljónum króna fyrir jól í styrki til hjálparsamtaka sem styðja við viðkvæma hópa víða um land, einkum með mataraðstoð. Alls fá níu hjálparsamtök styrk til þess að geta stutt enn betur við þau sem þurfa að leita aðstoðar, sérstaklega nú í aðdraganda jólanna.

14. desember 2022Félags- og húsnæðismálaráðuneytið, Innviðaráðuneytið

Umbætur á húsnæðismarkaði – endurskoðun húsnæðisstuðnings og húsaleigulaga

Áhrifaríkasta leiðin til að auka húsnæðisöryggi leigjenda er að auka framboð á íbúðum til leigu. Meðan skortur er á íbúðum er hætta á að leigjendur veigri sér við að standa á rétti sínum og leita réttar síns fyrir kærunefnd húsamála. Þá er fyrsta skrefið til að draga úr íþyngjandi húsnæðiskostnaði leigjenda að grunnfjárhæðir húsnæðisbóta hækki í samræmi við þróun verðlags.…

12. desember 2022Félags- og húsnæðismálaráðuneytið

Efni með tilgang: 12 milljónir króna til að vinna gegn félagslegri einangrun kvenna af erlendum uppruna

Guðmundur Ingi Guðbrandsson, félags- og vinnumarkaðsráðherra, hefur veitt 12 milljóna króna styrk til verkefnisins „Efni með tilgang“ sem er samstarfsverkefni Hjálparstarfs kirkjunnar, Hjálpræðishersins og Reykjavíkurborgar. Verkefnið er hugsað fyrir konur úr hópi innflytjenda, flóttafólks og hælisleitenda sem eru útsettar fyrir félagslegri einangrun.

05. desember 2022Félags- og húsnæðismálaráðuneytið

Þjónusta vegna ofbeldis – óskað eftir tillögum og ábendingum

Guðmundur Ingi Guðbrandsson, félags- og vinnumarkaðsráðherra, hefur skipað starfshóp sem falið er að skoða laga- og reglugerðarumhverfi þjónustu vegna ofbeldis og koma með tillögur um hvernig best megi tryggja þá þjónustu sem standa þarf bæði þolendum og gerendum ofbeldis til boða, einkum með tillit til Istanbúl-samningsins (samning Evrópuráðsins um forvarnir og baráttu gegn ofbeldi á konum og…

29. nóvember 2022Forsætisráðuneytið, Félags- og húsnæðismálaráðuneytið, Dómsmálaráðuneytið

Umsækjendur um alþjóðlega vernd fá viðbótargreiðslur í desember

Samþykkt var á fundi ríkisstjórnarinnar sl. föstudag að greiða umsækjendum um alþjóðlega vernd viðbótargreiðslur í desember líkt og gert hefur verið undanfarin ár. Greiðslurnar sem nema 10 þúsund krónum fyrir hvern fullorðinn einstakling og 5 þúsund krónum fyrir börn koma til viðbótar við fastar framfærslugreiðslur.

23. nóvember 2022Heilbrigðisráðuneytið, Félags- og húsnæðismálaráðuneytið

Aðgerðaáætlun um þjónustu við eldra fólk – kynningarfundur 5. desember

Félags- og vinnumarkaðsráðherra og heilbrigðisráðherra halda opinn kynningarfund 5. desember kl. 11–13 á hótel Hilton Nordica, þar sem kynnt verða drög að aðgerðaáætlun til fjögurra ára um heildarendurskoðun þjónustu við eldra fólk. Í stuttum erindum verður sagt frá því hvernig á að samþætta félags- og heilbrigðisþjónustu.…

23. nóvember 2022Félags- og húsnæðismálaráðuneytið

Fundur norrænna félags- og vinnumarkaðsráðherra: Græn umskipti og heilbrigður og aðgengilegur vinnumarkaður

Græn umskipti verða að eiga sér stað hratt og vel en koma verður í veg fyrir að þær breytingar sem felast í tækni, nýjum kynslóðum, nýjum viðhorfum og sjálfvirknivæðingu stuðli að auknum ójöfnuði. Þvert á móti eiga breytingarnar að leiða til aukinna tækifæra og möguleika á vinnumarkaði.…

21. nóvember 2022Félags- og húsnæðismálaráðuneytið

Fyrsta skrefið tekið í átt að nýju greiðslu- og þjónustukerfi vegna starfsgetumissis

Guðmundur Ingi Guðbrandsson, félags- og vinnumarkaðsráðherra, hefur mælt fyrir frumvarpi á Alþingi um lengingu á greiðslutímabili endurhæfingarlífeyris. Lagt er til að fólki verði gert kleift að fá greiddan endurhæfingarlífeyri í allt að fimm ár, í stað þriggja samkvæmt gildandi lögum. Frumvarpið er fyrsta skrefið í umbyltingu á greiðslu- og þjónustukerfi almannatrygginga vegna starfsgetumissis.…

19. nóvember 2022Félags- og húsnæðismálaráðuneytið

Reykjavíkurborg og ríki semja um móttöku 1500 flóttamanna

Guðmundur Ingi Guðbrandsson, félags- og vinnumarkaðsráðherra, Dagur B. Eggertsson, borgarstjóri og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks í Reykjavík. Samningurinn var undirritaður í Ráðhúsi Reykjavíkur og kveður á um að Reykjavíkurborg taki í samstarfi við stjórnvöld á móti allt að 1.500 flóttamönnum á tímabilinu 1.…

17. nóvember 2022Félags- og húsnæðismálaráðuneytið, Fjármála- og efnahagsráðuneytið

Stafrænum hindrunum rutt úr vegi: Persónulegir talsmenn geta nú aðstoðað fatlað fólk við að nálgast stafræn erindi

Mikilvægt skref hefur verið tekið við að ryðja úr vegi stafrænum hindrunum hjá fötluðu fólki hér á landi. Persónulegir talsmenn fatlaðs fólks geta nú komið fram fyrir hönd umbjóðenda sinna á Mínum síðum á Ísland.is og fengið aðgang að stafrænu pósthólfi þeirra en þangað berast meðal annars erindi frá opinberum aðilum.…

17. nóvember 2022Félags- og húsnæðismálaráðuneytið

Ný vegferð í þjónustu við fatlað fólk á Íslandi: Formleg vinna hefst við gerð landsáætlunar

„Við skulum hefja nýja vegferð í þjónustu við fatlað fólk á Íslandi,“ sagði Guðmundur Ingi Guðbrandsson, félags- og vinnumarkaðsráðherra á fjölmennri ráðstefnu sem fram fór í gær og fjallaði um gerð landsáætlunar um innleiðingu á ákvæðum samnings Sameinuðu þjóðanna um réttindi fatlaðs fólks.…

14. nóvember 2022Forsætisráðuneytið, Menningar-٫ nýsköpunar- og háskólaráðuneytið, Mennta- og barnamálaráðuneytið, Félags- og húsnæðismálaráðuneytið

Ráðherranefnd um íslenska tungu sett á laggirnar

Ráðherranefnd um íslenska tungu hefur verið skipuð samkvæmt tillögu Katrínar Jakobsdóttur forsætisráðherra. Ráðherra greinir frá skipun nefndarinnar í ávarpi sínu á málþinginu Íslenskan er okkar allra sem haldið er í tilefni af viku íslenskrar tungu.

01. nóvember 2022Forsætisráðuneytið, Utanríkisráðuneytið, Félags- og húsnæðismálaráðuneytið

Forsætisráðherra kynnti formennsku Íslands í Norrænu ráðherranefndinni 2023

Katrín Jakobsdóttir forsætisráðherra kynnti í dag formennskuáætlun Íslands í Norrænu ráðherranefndinni 2023. Forsætisráðherra gerði þingi Norðurlandaráðs grein fyrir formennskunni á þingi ráðsins sem fer nú fram í Helsinki. Ísland mun taka við formennsku af Noregi 1. janúar nk. og gegna henni út næsta ár.

13. október 2022Heilbrigðisráðuneytið, Félags- og húsnæðismálaráðuneytið

Norræn skýrsla um samþætta heilbrigðis- og félagsþjónustu í dreifðum byggðum

Vakin er athygli á nýrri skýrslu Norrænu velferðarmiðstöðvarinnar um samþættingu heilbrigðis- og félagsþjónustu í dreifðum byggðum. Í skýrslunni er fjallað um fimm dæmi slíkrar samþættingar í tilteknum umdæmum í Svíþjóð, Noregi, Danmörku, Finnlandi og á Íslandi þar sem segir frá undirbúningi að slíkri samþættingu í sveitarfélaginu Fjallabyggð.…

06. október 2022Menningar-٫ nýsköpunar- og háskólaráðuneytið, Mennta- og barnamálaráðuneytið, Félags- og húsnæðismálaráðuneytið

Viljayfirlýsing um fagháskólanám í leikskólafræðum undirrituð

Áslaug Arna Sigurbjörnsdóttir, háskóla-, iðnaðar- og nýsköpunarráðherra, Ásmundur Einar Daðason, mennta- og barnamálaráðherra, og Guðmundur Ingi Guðbrandsson, félags- og vinnumarkaðsráðherra, undirrituðu í dag samstarfsyfirlýsingu um þróun og innleiðingu fagháskólanáms í leikskólafræðum á landsvísu.…

Var efnið hjálplegt?