Fréttir

Leita

Veldu ráðuneyti
Veldu verkefni
Veldu ár
Sýni 601-700 af 915 niðurstöðum
06. október 2022Umhverfis-٫ orku- og loftslagsráðuneytið

Starfsmenn telja tækifæri í sameiningu og auknu samstarfi

Stærstur hluti starfsmanna þeirra stofnana sem heyra undir umhverfis-, orku- og loftslagsráðuneytið telur tækifæri felast í sameiningu stofnananna ráðuneytisins og að mikil tækifæri séu í samþættingu verkefna eða samvinnu stofnana. Þetta er meðal niðurstöðu könnunar Maskínu sem unnin var í tengslum við greiningu á stofnanaskipulagi ráðuneytisins sem nú stendur yfir.

03. október 2022Umhverfis-٫ orku- og loftslagsráðuneytið

Grænbók um líffræðilega fjölbreytni sett til kynningar í Samráðsgátt

Umhverfis-, orku- og loftslagsráðuneytið hefur sett grænbók um líffræðilega fjölbreytni íslenskra vistkerfa til kynningar í Samráðsgátt stjórnvalda. Þar eru kynntar forsendur og hugmyndir fyrir nýja stefnumótun um aðgerðir til verndar líffræðilegri fjölbreytni á Íslandi í samræmi við lög um náttúruvernd og Samning sameinuðu þjóðanna um líffræðilega fjölbreytni (CBD).

05. september 2022Umhverfis-٫ orku- og loftslagsráðuneytið, Félags- og húsnæðismálaráðuneytið, Innviðaráðuneytið

Samtalið hafið um aðlögun sveitarfélaga að breyttum heimi

Loftslagsbreytingar munu hafa áhrif á íslenskt samfélag og lífríki bæði með beinum og afleiddum hætti og byggja þarf upp þekkingu á því hver möguleg áhrif loftslagsbreytinga gætu orðið á byggðir landsins. Þetta var meðal umræðuefna á fundinum Aðlögun að breyttum heimi – hefjum samtalið, sem haldin var á Grand hótel í dag.

07. júlí 2022Forsætisráðuneytið, Heilbrigðisráðuneytið, Félags- og húsnæðismálaráðuneytið, Dómsmálaráðuneytið, Fjármála- og efnahagsráðuneytið, Utanríkisráðuneytið, Menningar-٫ nýsköpunar- og háskólaráðuneytið, Innviðaráðuneytið, Mennta- og barnamálaráðuneytið, Atvinnuvegaráðuneytið, Umhverfis-٫ orku- og loftslagsráðuneytið

Ársskýrslur ráðherra fyrir árið 2021 birtar

Ársskýrslur ráðherra fyrir árið 2021 hafa verið birtar. Skýrslurnar koma nú út í fimmta sinn en markmiðið með útgáfu þeirra er að auka gagnsæi um ráðstöfun og nýtingu fjármuna. Þá er þeim ætlað að vera grundvöllur fyrir umræðu um stefnumörkun og forgangsröðun hins opinbera.

29. júní 2022Umhverfis-٫ orku- og loftslagsráðuneytið

Breytingar staðfestar á stjórnunar- og verndaráætlun Vatnajökulsþjóðgarðs

Umhverfis-, orku- og loftslagsráðherra hefur staðfest breytingar á stjórnunar- og verndaráætlun Vatnajökulsþjóðgarðs (3. útgáfa), að tillögu stjórnar þjóðgarðsins. Breytingarnar, sem gerðar eru samkvæmt ákvörðun stjórnar, fjalla um afmörkuð atriði er aðallega snúa að uppfærslu texta og korta vegna lagabreytinga og stækkana þjóðgarðsins.…

11. maí 2022Umhverfis-٫ orku- og loftslagsráðuneytið

Akureyri styrkt sem höfuðstaður norðurslóða

Guðlaugur Þór Þórðarson, umhverfis-, orku- og loftslagsráðherra hefur ákveðið að hækka árleg fjárframlög ráðuneytisins til CAFF og PAME um 50%. Um er að ræða skrifstofur Norðurskautsráðsins sem hafa aðsetur á Akureyri. Ákvörðun ráðherra mun styrkja Akureyri sem höfuðstað norðurslóða og stuðla að því að Ísland verði áfram leiðandi afl í Norðurskautsráðinu.

29. apríl 2022Umhverfis-٫ orku- og loftslagsráðuneytið

Formlegt aðsetur Vatnajökulsþjóðgarðs flutt til Hafnar í Hornafirði

Formlegt aðsetur og lögheimili Vatnajökulsþjóðgarðs verður flutt til Hafnar í Hornafirði næsta haust. Frá þessu greindi Guðlaugur Þór Þórðarson, umhverfis-, orku- og loftslagsráðherra á ríkisstjórnarfundi í morgun. Ákvörðun um flutning aðseturs á landsbyggðina var tekin var í samráði við stjórn þjóðgarðsins og verður kynnt á næstunni á Alþingi.

11. apríl 2022Umhverfis-٫ orku- og loftslagsráðuneytið

Yfir hundrað milljónir í styrki til fjölbreyttra umhverfisverkefna

Umhverfis-, orku- og loftslagsráðuneytið hefur úthlutað um 111 milljónum króna til umhverfisverkefna og reksturs félagasamtaka, sem starfa að umhverfismálum, á grundvelli umsókna. Ráðuneytið hefur veitt frjálsum félagasamtökum sem starfa að umhverfismálum rekstrarstyrki ásamt verkefna- og ferðastyrkjum frá árinu 2000, en til stendur að endurskoða úthlutunarreglur vegna styrkjanna.

17. mars 2022Umhverfis-٫ orku- og loftslagsráðuneytið

Einföldun á regluverki í þágu smávirkjana

Guðlaugur Þór Þórðarson umhverfis-, orku- og loftslagsráðherra, hefur skrifað undir reglugerð ​sem ætlað er að bæta rekstrarumhverfi smávirkjana. Reglugerðin er hluti af tillögum starfshóps sem ráðherra orkumála skipaði árið 2020 með það að markmiði að bæta starfsumhverfi smávirkjana, með sérstakri áherslu á gjaldtöku vegna tenginga þeirra við dreifikerfi raforku.

08. mars 2022Umhverfis-٫ orku- og loftslagsráðuneytið

Ákvarðanir um orkuframleiðslu taki mið af loftslagsmarkmiðum Íslands

Loftslagsmarkmið Íslands þurfa að móta í ríkari mæli ákvarðanir um orkuframleiðslu og orkuflutning hér á landi en hvoru tveggja er grundvöllur fyrir orkuskipti í samfélaginu og frekari vöxt atvinnuvega. Orkuöryggi kallar á aukna raforkuframleiðslu og öflugra flutnings- og dreifikerfi sem aftur kallar á heildrænt skipulag orkukerfisins og samþættingu verkferla.

16. febrúar 2022Umhverfis-٫ orku- og loftslagsráðuneytið

Drög að frumvarpi um bann við olíuleit og olíuvinnslu til kynningar í samráðsgátt

Umhverfis- orku-, og loftslagsráðuneytið hefur sett til kynningar í samráðsgátt stjórnvalda drög að frumvarpi um bann við olíuleit og vinnslu í efnahagslögsögu Íslands. Frumvarpinu er ætlað að framfylgja þeirri stefnu í stjórnarsáttmála ríkisstjórnarinnar​að engin leyfi verði gefin út til olíuleitar í efnahagslögsögu Íslands.

11. febrúar 2022Forsætisráðuneytið, Fjármála- og efnahagsráðuneytið, Innviðaráðuneytið, Atvinnuvegaráðuneytið, Umhverfis-٫ orku- og loftslagsráðuneytið, Dómsmálaráðuneytið

Önnur eftirfylgniskýrsla um uppbyggingu innviða

Önnur eftirfylgniskýrsla um stöðu verkefna í aðgerðaáætlun um uppbyggingu innviða (hlekkur á skýrsluna) hefur verið birt. Aðgerðaáætlunin var samþykkt af ríkisstjórninni í lok febrúar 2020 en hún var sett fram í kjölfar fárviðrisins sem geisaði í desember 2019. Þar eru settar fram 287 aðgerðir um uppbyggingu innviða.

Var efnið hjálplegt?