Einfaldað úrskurðarferli í póst- og fjarskiptamálum

Úrskurðarnefnd um póst- og fjarskiptamál verður lögð niður samkvæmt tillögu sem samgönguráðherra lagði fyrir ríkisstjórn þriðjudaginn 6. september.

Í athugasemdum með frumvarpi um breytingar á fjarskiptalögum kemur fram að einfaldara þyki að samgönguráðuneytið úrskurði í málum þar sem ágreiningur um ákvarðanir Póst- og fjarskiptastofnunar á fjarskiptamarkaði kunna að koma upp.