Jón Kristjánsson kemur til starfa í félagsmálaráðuneytinu

Jón Kristjánsson tók við embætti félagsmálaráðherra á ríkisráðsfundi í dag, 7. mars, og kom til starfa í félagsmálaráðuneytinu í hádeginu.

Árni Magnússon, fráfarandi félagsmálaráðherra, afhenti honum lyklana að ráðuneytinu og „jafnréttisbakpoka“ frá ráðherra Dana í jafnréttismálum með þeim orðum að hann treysti því að Jón stæði vörð um þann málaflokk.

Í dag mun ráðherra, ásamt öllu starfsfólki félagsmálaráðuneytisins, heimsækja Ríkissáttasemjara og kynna sér starfsemi á vegum embættisins.

Nánari upplýsingar um Jón Kristjánsson félagsmálaráðherra má finna hér.