Rannsókn brota, saksókn, réttarfarsreglur og verndarráðstafanir

Lýsing aðgerðar: Lagðar verða til breytingar á lögum um nálgunarbann og brottvísun af heimili nr. 85/2011 þess efnis að komið verði á rafrænu eftirliti með staðsetningarbúnaði, að ákveðnum skilyrðum uppfylltum, með þeim sakborningum sem sæta nálgunarbanni og/eða brottvísun af heimili, í þeim tilgangi að tryggja að slíkri ákvörðun sé framfylgt.

Markmið aðgerðar: Að auka vernd brotaþola gegn ofbeldi í nánu sambandi og umsáturseinelti og sporna gegn endurteknum brotum gegn nálgunarbanni og/eða brottvísun af heimili og bæta sönnunarfærslu vegna brota.

Ábyrgð: Dómsmálaráðuneyti.

Tímaáætlun: 2026.

Samstarfsaðilar: Ríkislögreglustjóri og lögregluembættin.

Tilefni: Tilmæli GREVIO nr. 283 um tíðari nýtingu yfirvalda á nálgunarbanni og brottvísun af heimili.

Staða aðgerðar:

Alþingi samþykkti 27. apríl 2026 frumvarp dómsmálaráðherra um breytingar á lögum um nálgunarbann og brottvísun af heimili nr. 85/2011. Með breytingunum verður lögreglu heimilt að taka ákvörðun um að beita rafrænu eftirliti með staðsetningarbúnaði, t.a.m. með ökklabandi, samhliða ákvörðun um nálgunarbann og brottvísun af heimili.